«Оҕолорго сэрии туһунан ааҕабыт» аахсыйа
Аан дойдутааҕы «Оҕолорго сэрии туһунан ааҕабыт» диэн аахсыйаҕа Мукучу нэһилиэгин модельнай библиотеката иккис төгүлүн кыттар. Библиотекарь Афанасьева В. Н. көҕүлээн тэрийэр. Оҕону патриотическай тыыҥҥа иитии, ааҕыыга угуйуу, кинигэ уонна айымньы нөҥүө тиэрдии хаһааҥҥытааҕар даҕаны күүһүрэн турар кэмэ. Бу түһүлгэҕэ буойун-педагог, салайааччы Левин И. Е. үтүө аатын сүгэр Танара орто оскуолатын 4, 5 кылаас үөрэнээччилэрэ көхтөөх кыттыыны ыллылар. Иван Егорович үөлээннээҕэ, табаарыһа, аатырбыт суруйааччы, оҕо-аймах таптыыр автора Тимофей Егорович Сметанин «Егор Чээрин» диэн айымньытыттан “Снайпер саата” диэн түһүмэҕи билиһиннэрии буолла. Тиэкси педагог, уһуйааччы, пионер баһаатаай, биһиги ааҕааччыбыт Яковлева Маргарита Ивановна аахта. Оҕолор олус болҕойон иһиттилэр, сэҥээрдилэр. Түмүгэр ыйыытыыларга хоруйдаатылар, айымньыны аныгы буола байыаннай дьайыылары кытта ситимнээн тус санааларын эттилэр.
Библиотека уонна ИТ киин бэлэмнээбит информационнай слайдаларын көрдүлэр.
Ити курдук, Мукучубут үүнэр көлүөнэтэ патриотическай эйгэҕэ иитиллэр.
Биһиги бу тэрээһиммитин анал байыаннай дьайыыга сылдьар хорсун санаалаах биир дойдулаахтарбытыгар аныыбыт.
Им И.Н.,
Мукучу модельнай библиотекатын сэбиэдиссэйэ, Россия суруналыыстарын сойууһун чилиэнэ
5.5.2023 сыл
Хаартыскалар библиотека,
кылаас фондатыттан ылылыннылар.
#читаемдетямовойне
#ВСОихнебросаем
#кыайыытуһугар
