Декада буолла
Алтынньы маҥнайгы күнүттэн уон күнүгэр диэри аҕам саастаах дьоммутугар болҕомто уонна кыһамньы декадата буолан ааста. Нэһилиэкпит тыыл ветераннарыгар, аҕам саастаах ытыктыыр дьоммутугар тэрилтэлэр араас хабааннаах волонтерскай үлэлэрэ, үлэлии сылдьыбыт тэрилтэлэрэ бэлэх оҥорон туттардылар ону тэҥэ "Забота" акцияҕа көхтөөхтүк кытыннылар, аһаҕас аан күннэрэ ыытылыннылар. Алтынньы уон күнүгэр "Дайан" сынньалаҥ киинигэр итии чэйдээх остуол тула олорон концерт көрдүлэр, араас оонньуулары оонньоотулар, эҕэрдэ тыллар этилиннилэр, харда ырыалар ылланнылар, аҕам саастаах дьоммут санааларын этиннилэр уопсай хаартыскаҕа түһэн дуоһуйан, эһиил кэккэбит өссө хаҥаан көрсүөхпүт диэн тарҕастылар.
Вера Прокопьева
Ахтар саныыр күндү кыргыттарым коллегаларым аҕам саастаахтар күннэринэн эҕэрдэтигэр махтал бастыҥа буолуохтун. Бадаараккытын лаппа бэйэтин кыанар буолан күтүөтүм уол барахсан дьиэбэр аҕалла, бэйэбин эмиэ Кыргыттаар бука бары этэҥҥэ буолуҥ доруобай буолуҥ үлэҕитигэр үрдүк ситиһиилэр кэлэ турдуннар махталы кытта Софронеева Мария Григорьевна
